Mapagmahal, mapag-alaga, maalalahanin, masipag, palaban, responsable, mahusay halos lahat ng katangian ay angkin na niya. Iyan si ina, nanay, mama, mommy kung ano man ang tawag sa kanila, sila ang tinaguriang "Reyna ng Tahanan". Taga bantay sa bahay, taga asikaso sa mga anak, tagaluto, tagapaglaba, halos lahat na ay kanyang ginagawa at kung minsan pa nga ay tagabuhay ng pamilya.
Kung noon sila ay nasa bahay lamang, ngunit ngayon sila na ang bumubuhay sa pamilya. Lumilipas talaga ang panahon.... Ika nga ng mga lolo't lola, pero kahit ganun nandyan pa rin sila, para sumuporta sa bawat pagluha at kaligayahan, sa kasawian man o sa tagumpay man ng kanilang pamilya, taga tuwid ng landas kung maliligaw man, taga sermon kung may kamalian at taga bigay ng payo kung kinakailangan.
Pag-ibig nila'y ating kailangan, kaya dapat ating ito'y pahalagahan at pagka-ingatan. Magpasalamat na kung magpasalamat, sabihin na ang mga dapat sabihin, maglambing na kung maglalambing. Huwag sayangin ang panahon at oras upang ipakita ang pagmamahal na nararamdaman. Kanilang kalinga'y ating kailangan, kaya dapat ating ito'y mapanatili, mahalin, alagaan, at huwag hayaang mawala, sapagkat kung wala sila wala rin tayo sa mundo. Ito ay alay para sa lahat ng mga minamahal at walang katulad na mga reyna ng tahanan; Iyan si Inay......



Bernadeth Ponsica
IV- Diamond